يا خوات الشلن

اوتشي عكوله ستي لما اتركت وصارت تحتشي لغات صارلي زمان ما حتشيت ولا تشتبت هان والسبب انو مش عاجبني اللي بيصير هناك عنا ولا عندهم ولا هند هذولاك الثانيين ولا عند الاولانيين المحتلين الله يلعن صباح والدينهم وانا واعوذبالله من كوله انا ما عنديش ياما ارحميني يعني من اول ما بلشت الاحداث والمناوشات وانا بقارع في الناس اللي عندي بلكي اكدر اكنعهم بشي معكول عاكليله بس والله جماعتنا مصرين على تسويد وجهي كل مره وما فيهم حدا مصلي عالنبي يعني شو فيها لو حماس تنازلت عن السلطه واعطتها لعباس وجماعتعه اي والله بكون عملت عين العقل وبما انه صار الحتشي عن العقل فانا مش عارف شو هالعكول الناتعينها جماعتنا متذكر ايام ابوي لما كان ييجي من الشغل ويعطي كل واحد منا بريزه وكان اخوي بينط حادر فوك لما تطلهع معي البريزه الكبيره لانه البر ايوز مش كد بعض في بريزه بريزه وبريزه ازغر من البريزه طبعا يطل اخوي يعوي لما ييجي ابوي تينام وعندها يمكوم ابوي ويسط اخوي تشمن تشف عصباحو يكلبلو خلكتوا وبعديها ييجي دوري وكمان يسطني تشمن تشف بدون ما يكون لي دخال بس عشان ما يصيرش اخوي يعوي ليش هو اتشل تشف وانا لا واللي بدي لاكوله بهالكصه لجماعتنا المشكله عمرها ما كانت في البريزه ولا في اخوي ولا فيه كمان المشكله هي التناحه وكلت العكل يعني لو بدلته بالبريزه شو راح يختلف فالميضوع وجماعتنا هون بيتكاتلو على بريزه مصديه وكل واحد فيهم بيكول انه بريزته اتشبر من الثاني يا عالم يا مثكفين البريه هي عشر اكروش يعني تشل واحد فيتشم بسوا بريزه كصدي معاه بريوزه يا خوات الشلن